أساطير المغرضين:

 

أساطير المغرضين:

تنتشر هذه الأيام اساطير حول الإيجار القديم

أولها: الإيجار القديم لم تواجهه الحكومات السابقة وهذا ليس صحيحا:

90% من مشاكل الإيجار القديم تم فى عهد مبارك فى عام 1997 صدر قانون للتجارى بزيادة الأجرة وزيادة سنوية وسنة 2002 قلصت المحكمة الدستورية الإقامة فى المساكن لجيل واحد  (الزوجة والأولاد) وبشروط أن يكون قد أقام مع المستأجرالأصلى عام قبل الوفاة ، 10% من مشاكل الإيجار القديم فى عهد السيسى فى علم 2018 صدر حكم المحكمة بتحرير العلاقة للاعتبارى لأنه لا امتداد له وفى عام 2024 صدر حكم المحكمة بتتحريك أجرة السكنى يعنى المحكمة حلت المشكلة بالتدريج والتدريج قانون ربنا فى الأرض اللى خلق الدنيا فى ست ايام واحنا اتعلمنا المشى والقراءة والكتابة فى سنين وهم عايزين يتحدو قانون ربنا ويهدو الدنيا ويغيروها فى يوم وليلة الخلاصة  الدعاية لغرض فى نفوس المنتفعين واقصد الملاك الجدد ملاك عقارات وسط البلد

ثانيها: العقار تجارة لاينتفع منها صاحب العقار

أى تجارة لها مكسب وخسارة ومجهود يبذله صاحب التجارة وضرائب يدفعها فى حالة بناء عقار المجهود هو الإشراف على البناء وبعد كده جمع الأجرة كل شهر المجهود الوحيد وهنا اتحدث عن اللى بنى العقار مش ابنه اللى استلم ع الجاهز كمان والمفروض صيانة العقار وهو ما لا يحدث بحجة الأجرة الزهيدة يعنى لا يبذل مجهود مثل أصحاب المحلات والشركات ولاحتى الموظفين والإيجار القديم معفى من الضرائب العقارية وفى الماضى دعمته الدولة وأخذ خلوات وحقق مكسب كبير من غير تقلص بمرور الزمن يعنى اول مرة اسمع عن تجارة من غير مجهود ولاضرائب وفى نسبة مكسب ولاتعرف الخسارة العدل يقول ان ما وصل اليه الإيجار القديم هى الخسارة والضريبة اللى مش عايز يدفعها فين الميزان وبعد مرور السنين هيستلم العقار لو سليم

هيأجره بمكسب كبير ولو انهار الأرض اللى اشتراها ابوه بقروش هيبيعها بملايين

ثالثها :الشقق حوالينا اتأجرت بآلاف حضرتك الشقق الجديدة اشترى الأرض بملايين مش بقروش زى ابوك او جدك ما اشترى وخلص الأوراق بفلوس كتير النهارده عشان تعمل ورقة فى الحكومة تدفع دم قلبك وضرائب عقارية محترمة وصيانة للعقار هو اللى بيقوم بيها ما ينفعش تحط الاتنين فى كفة واحدة الميزان فيه كفتين وتانى كل حاجة فيها مكسب وخسارة

رابعها: ما يرضيش ربنا هم  ساكنين فى املاكنا وولادنا مش لاقيين شقق يسكنو فيها رغم انهم ملاك عقار دى تحاسب فيها والدك اللى اجر البيت واخد الفلوس بنى بيها البيت وصرفها عليكم ولو كان سكنكم فيها واستغنى عن الفلوس اللى خدها من السكان كنت هتجيب لاولادك شقة منين ولا كنت هتسكن ولادك بأزواجهم فى شقتك؟

خامسها: العقارات بتقع بسبب القانون القديم : العقارات فى مصر عموما بتقع بسبب الإهمال والفسادة فى المحليات والجديد أكتر من القديم لكن العقار القديم مين حريص عليه اكثر اللى عايش فيه ولا اللى نفسه يفضيه عشان يبيعه ارض او شقق يسكنها من جديد

القاعدة بتقول أى مصيبة نتهم فيها المستفيد

خلاصة الكلام يا سادة الأساطير والدعاية المغرضة هدفها طرد الناس من بيوتهم لصالح المستثمر والدعاية الكاذبة مردود عليها وتانى احنا ما ظلمناش حد اللى أجر زمان أجر بمزاجه وبرضاه وهو عارف انه أبد الآبدين ورغم كده تقلص الموضوع لجيل واحد مطلوب ايه تانى والله المستعان نعم المولى ونعم النصير